"Elin Səsi" Milli-Mənəvi Dəyərlərimizin Qorunması İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Vətənim Azərbaycandır!" adlı layihəyə çərçivəsində 8-12 yaş məktəblilər arasında vətənpərvərlik haqqında şeir müsabiqəsinə start vermişdir. 2 ay müddətində davam edəcək layihə 01 sentayabr tarixindən öz işinə başlamışdır. Bakı, Şirvan şəhərlərini və Xaçmaz rayonunu əhatə edəcəkdir.

Layihənin əsas məqsədi yeniyetmə və gənclərin vətənpərvərlik tərbiyəsi istiqamətində həyata keçirilən dövlət siyasətinə yardımçı olmaq, yeniyetmə və gənclərdə vətənpərvərlik hisslərinin gücləndirilməsi və Azərbaycançılıq idealogiyasının təbliğ olunmasıdır. Həmçinin bu məsələlərdə dövlət siyasətinə dəstək verməkdən ibarətdir.

Bu məqsədlərə nail olmaq üçün layihədə aşağıdakı işlər görüləcəkdir:

         İlkin hazırlıq işlərinin görülməsi (əmək və xidməti müqavilələrin bağlanılması, çap məhsullarının sifarişi üçün danışıqların aparılması, iş bölgüsü, müsabiqə qalibləri üçün hədiyyələrin seçilməsi və s.)

         Azərbaycan Respublikası ərazisində Bakı şəhəri, Şirvan və Xaçmaz rayonlarında layihə çərçivəsində həyata keçiriləcək Şuşa ilinə həsr olunmuş “Mən Şuşalıyam” adlı şeir müsabiqəsinin iştirakçıları üçün 50 səhifəlik Şuşaya həsr olunmuş vətənpərvərlik şeirlərindən ibarət kitabçanın hazırlanması, çap olunması və paylanılması;

         Bakı şəhəri, Şirvan və Xaçmaz rayonlarında “Mən Şuşalıyam” şeir müsabiqəsində iştirak edən 8-12 yaş yeniyetmə və şagirdlərin dinlənilməsi, eyni zamanda onlar arasında qaliblərin müəyyən oluması.

Respublikamızda milli-mənəvi dəyərlərin qorunması və vətənpərvərlik hisslərinin aşılanması, möhkəmləndirilməsi və inkişaf etdirilməsi istiqamətində görüləcək işlər vətəndaşlarımızın, xüsusilə də gənc nəslin qeyd olunan sahəyə maraqlarının artmasına nail olacaqdır.